असोज १७ विश्वकै चर्चित फुटबलर रोनाल्डोमाथि लागेको बलात्कारको आरोपले यतिबेला चौतर्फी चर्चा कमाईरहेको छ । क्याथरोन मायोगाले २००९ मा रोनाल्डोले एक होटलमा आफूलाई बलात्कार गरेको दाबी गर्दे रोनाल्डोमाथि बलात्कारको आरोप लगाएकी हुन् । उता बलात्कारको आरोपका बीच रोनाल्डोले आफुहरुबीच सहमतीमा यौन सम्बन्ध कायम भएको बताउँदै आएका छन् ।

रोनाल्डोले पनि यसबारेमा कानुनी उपचार लिईरहेको बेला २००९ मा नै अनुसन्धान पुरा भएको यो केस पुन खोलिएको छ। लस भेगस प्रहरीका अनुसार यो मुद्दामा कोही संदिग्ध थिएन र २००९ मै अनुसन्धान पुरा भइसकेको थियो । ‘रिपोर्ट लिने बेला पीडितले घटना विवरण जानकारी गराएकी थिइनन्, प्रहरीले भनेको छ, २०१८ सेप्टेम्बरमा यो फाइल फेरि खोलिएको छ र हाम्रा अधिकारी प्राप्त सूचनालाई पछ्याइकेका छन् ।’

क्याथरिनले लस भेगास प्रहरीमा त्यसबेला नै उजरी पनि दिएकी थिइन् । तर, २०१० मा रोनाल्डोसँग ३ लाख ७५ हजार डलरमा यो विषयलाई बाहिर नल्याउने सहमति भयो ।उनका कानुनी सल्लाहकार अब यो सहमतिलाई अस्वीकार गर्ने बाटो खोजिरहेका समाचार जर्मन एक पत्रिकाले हालै मात्र छापेको छ । अब हेरौँ रोनाल्डोको यो मुद्धाले कुन रुप लिने हो ।
© SANGHARSHA ADHIKARI